عامٌ جديد / بالمصري *

ديسمبر 31, 2017

بعد دقائق سنودّع 2017 . كان عامٌ حافلاً مليئ بالإنجازات و الخيبات في آنٍ واحد . و هانحن الآن مقبلون على 365 يوماً جديداً ، لنصنع فيها مالم نصنعه في قبلها . لنجعلها أياماً مختلفة ، ملوّنة و سعيدة تشهد نجاحاتنا .

لا تكرر العام نفسه 75 مرة ، و تعتبرها حياة !

روبن شارما

في خضم تساؤلاتي عما أود فعله في في العام الجديد بدأتُ اتنقل بين المدونات . لفتتني تدوينة في التمبلر باللهجة المصرية على هيئة نصائح ، آثرتُ مشاركتها معكم ()

دول شوية حاجات اتعلمتها ف 2017 ماتخشش 2018 من غيرها:

* ما تتجاهلش الإشارات اللي انت طلبت من ربنا يظهرهالك.

١- لو الحياه ماشية من غير ابتلاءات لازم تشك في دينك.

٢- هتعرف إنك كبرت لما تعرف ان القمر مش بيمشي ورا عربية باباك و لما تبدأ تخاف على أبوك و أمك أكتر ما تخاف منهم و لما تتقبل حقيقة أن بعض الأشخاص وجودهم مش ملائم حياتك مهما كنت عاوزهم.

٣- حتي اليوم اللي مايحصلش فيه حاجة تفرحك ، نعمة واجب عليها
الحمد لأن كان ممكن يحصل تزعلك و ما حصلتش.

٤- الحُب هُو : أن تكُون الأجابات مُطمئِنة ، وليستْ مَنطقيّة.

٥- كل الناس اللى مشيت ، مشيت علشان حاجات عملناها علشان ميمشوش.

٦- ليس دوماً يبتلى الإنسان ليعذب و إنما قد يبتلى ليهذب.

٧- من راقب الناس عمل لايك بالغلط و من تدخل فيما لا يعنيه ،هيعرف كل حاجة.

٨- دايماً لما يحصللك حاجة إسأل ، ماذا يريد مني الله حتى يُريني ذلك ؟

٩- مش شرط الحاجة اللي انت مستنيها تيجي وقت ما تعوزها ، الجديد بقا انها مش شرط تيجي أصلاً ؛ أهم حاجة تعرف لما تيجي تستقبلها بنفس الشَغَف.

١٠- الزُهد مش إنك ما تملكش حاجة ، الزُهد إن مافيش حاجة تملكك.

١١- ‏كل حاجة قابله للتغيير و أولها اللي كنت بتستثنيه دايماً.

١٢- مش كل فكرة تيجي ف دماغك لازم تطلع من بُقك والله.

١٣- الصدمة بتهد لحظة و بتبني عُمر.

١٤- مش شرط ان الشخصية اللي بتضحك و تهزر طول الوقت تبقي بتعمل كده عشان تداري حزن أو انه مخبي حاجة مزعلاه ، ممكن يكون طبيعته هلاس عادي.

١٥- انت ربنا ممكن يسرعك لو دعيته بس عُمره ما هيعطلّك السريع.

١٦- أهم من إنك تعرف ، هو إنك تعرف إيه اللي المفروض تتجاهله.

١٧- أهم أنواع المعرفة : معرفة حدودك.

١٨- الموضوع مالوش علاقة بالظروف يا جماعة ، في ناس ما بتعرفش تفرح والله ؛ يا قراطيس النَكد يا كُتَل التعاسة.

١٩- ماتخَافش إنك تِزعل مِن حَد ، خاف مَا تِعرفش تِنسالُه.

٢٠- انت محتاج بنت تمشي معاك طريقَك ، تآمن بيك و بحلمَك ،ماينفعش تكون هيَّ الطريق و الحلم.

٢١- ماتجيش قبل ميعادك ، أهم فوايد التأخير بتعرفك مين هيستناك.

٢٢- نُص الفراق رَهبة و الرُبعين التانيين نصيب و يأس.

٢٣- جايز تكون محتاج كل ذكائك عشان تعيش في الدنيا دي ، بس انتبرده محتاج كل غبائك عشان تتعايش.

٢٤- ماتزعلش لما تحصلك حاجة تحسها ابتلاء شديد ، لعلّها رحْمة،لعلّها المُنجية ، ولعلّ هذه تُغفِر تلِك.

٢٥- اعطهم كُل ما تحب إلا نفسك.

٢٦- سامِح عشان لما تغلط ، و أكيد هتغلط ، تتسامِح.

٢٧- تعرفوا على الله قبل عبادته عن جهل.

٢٨- اتشغل لدرجة ما يبقاش عندك وقت تزعل.

٢٩- المحبة الحقيقية لا تُطلَب و لا تُمنح ولا تُهدي ، هي فقط تحدُث.

٣٠- لو حسيت ان في شخص بيختارك في وقت معين ، انت ف غنى عنه ف كل الاوقات.

٣١- عمرك ما تزعل على مشاعر اديتها لحد وماعرفش يعمل بيها إيهأو خاف منها أو حتى رماها رمي؛ روحك كل ما تدّي كل ما تكبر، افرح ان روحك تملك أن تعطي.

٣٢- مافيش حاجة بتتكسر أو تبوظ و ترجع زي الأول ، انت مش في التوكيل.

٣٣- محدش بيدخل حياتك صدفة كله بييجي بميعاد و بيمشي بميعاد و بتستفيد ف كل الحالات حاجات.

٣٤- ما تعاتبش حد علي قلة سؤاله ، اكبر بقى.

٣٥- اعمل الحاجة اللي بتحبها مش اللي بتعرف تعملها.

٣٦- احترموا الفراغ.

٣٧- المُر بيمُر.

٣٨- لو سمعت من شخص جملة “ هظبط و اكلمك ” ف ٢٠١٨ ، اعرف انك مش هتشوفه غير ف ٢٠١٩ أو ممكن ماتشوفوش خالص.

٣٩- الغِنى مابيكونش بالحاجة ، الغِنى بيكون من غير الحاجة اللي فاكر نفسك هتبقي غني بيها.

٤٠- انت مش مضطر تبهر حد.

٤١- ‏لو إتغيرت عشان حد يبقى مش هتنساه طول حياتك.

٤٢- نص مشاكلك سببها أنك ما بتتكلمش ، و والنص التاني إنك لما اتكلمت الكلام طلع مش شبه اللي كنت عاوز تقوله.

٤٣- إنتي لو مستني مقابل لكونك شخص كويس ، ف انت شخص مش كويس.

٤٤- الدنيا مش جاية بس ، هي رايحة جاية ، صد رد مش صد بس ؛ اصبر هتاخد حقك.

٤٥- ما تولعش ف نفسك عشان تدفي حد لو شافك والع هيسيبك.

٤٦- الحب للذات ، مش للملذات.

٤٧- ‏واللي يفصلك علي مقاسه ، اقلعه.

٤٨- ساعات البعد من الطرفين بيبقى ذكاء – سميرة سعيد سيندروم.

٤٩- لو الاعتذار تقيل عليك افتكر ان الإساءة تقيلة ع اللي قدامك برده.

٥٠- انت مهما كنت رائع و كريم و جميل و طيب ف عين ناس ، هتلاقياللي مابيحبكش لأسباب ماتعرفهاش ، ماتزعلش !

آمل ان يكون عامكم الجديد مختلفاً ()

1 Comment

  • Reply Muhammad Shadi Al-Rajeh يناير 1, 2018 at 4:09 ص

    الصدمة بتهد لحظة وبتبتي عمر 👍👍👍
    بالتوفيق 🌷

  • Leave a Reply

    %d مدونون معجبون بهذه: